NORAYO K.Cafe

行街後去食晚飯,想食韓國野,上網見到呢間韓式咖啡屋都幾多好評,於是去試下,都幾多人等位呀,差唔多20分鐘後有位了。

店內面積大,裝潢頗有格調,紅磚牆身、街燈、搶眼的紅綠燈、木枱椅及美食車的水吧,感覺置身在韓國街頭。

青檸&檸檬麗塔,$88,青檸汁與檸檬汁上倒插著corona的特色調酒,好大杯,兩個人share,青檸味較重,酒味不算太濃,感覺清涼。

現炒辣年糕部隊鍋,$288,一邊是芝士,一邊是蛋漿,中間才料有烚蛋、韓式年糕、鱼糕、脆皮腸、韓國粉絲、公仔麵及雜菜,再倒入辣湯,慢慢滾熟。

蒸蛋,看起來好吸引,口感似燉蛋,但蛋味不太濃,,芝士味不太濃,韓國年糕,好煙韌,味道甜辣,韓國粉絲、魚糕入晒味,都不俗呀。

原味牛奶雪花冰,$65,紅豆味雪糕、紅豆、黃豆粉及果仁碎,雪花冰奶滑綿細,口感不會太冰又不會像雪糕太實,好清涼,味道香甜好味呀。

整體來說味道不俗,甜品有水準,坐得幾舒服,店員有禮貌,多是韓國人,下次可試其他野食呀。

尖沙咀加連威老道29號信基商業中心2樓