ACOCake

星期日同Yan & Yin去APM行街,炎炎夏日好想搵個平平地的地方坐下食雪糕,上網見到呢間有雪糕食,又幾吸引,於是就去試下,位於駱駝漆大厦的小店,位置尚算易搵。

細看之下,原來是一間cupcake專門店,主打訂造cupcake及曲奇,賣相好精緻呢,除了蛋糕,還有售賣蝴蝶酥、夏威夷果仁及腰果等。

近期好hit的minions都出現了。

小小的店子,簡約裝潢,牆上有cupcake的掛畫,擺放了不少甜點作佈置,店內設有幾個位子,可以堂食,一於坐低嘆下冷氣,環境寧靜,有舒適的感覺。

有tea set。

cupcake x Ice-cream ,雪糕杯子蛋糕,每杯$43。

原來每日雪糕的口味都不同的,今日有四款味道選擇,要了 3.6牛奶、藍莓及黑芝麻,而cupcake的味道是限定,配料有蝴蝶酥、焦糖夏威夷果仁、腰果及芝士忌廉,蠻豐富呢。

 3.6牛奶雪糕,濃厚牛奶味,冰凍的雪糕上有焦糖海鹽醬,味道更有層次,不俗,配上香蕉cupcake,濃郁的香蕉味,口感细腻濕潤,配料也不遜色,蝴蝶酥香甜,夏威夷果仁脆口,整體好味呀。

藍莓雪糕,香藍莓味,比較清新,配上的都是香蕉cupcake,味道不俗呀。

黑芝麻味雪糕,味道濃郁,好突出,配上朱古力cupcake,香濃黑朱古力味,唔太甜,不俗呀。

Choco hazelnut mini cupcake,$15,因cupcake幾好食之下要了一個來試,榛子醬滑,配上香濃朱古力蛋糕更好味,小小的一件,不會太漏呀。

有水準的甜品,特別是 3.6牛奶雪糕,個人幾喜歡,雪糕+蛋糕一次過滿足晒呀,不論賣相及味道也花了思心。

觀塘開源道60號駱駝漆大廈3期5樓A2室