Hello Kitty 中菜軒

星期二平日,Yan提議去中菜軒食飯,大家想試好耐了,之前因為怕要排隊而卻步,熱潮過了一點點,應該不會太多人卦,果然是呢,不用等位呀。

全港首間以Hello kitty為主題的中菜館,好有特色呀。

入一去,已看見了不少kitty的產品。

中國打扮的kitty,好可愛呢。

Hello kitty中菜軒的logo。

餐廳面積尚算寬敞,中式茶居的格局,以金紅啡為主色,果然夠晒中式,木枱椅、燈籠吊燈、玻璃鏡、屏風及餐具都印有kitty及蝴蝶結的logo,到處都是kitty呢。

有貴賓房,林檎閣。

屏風上泛金的kitty,帶點貴氣又可愛。

貴賓房內有幾幅水墨畫是Kitty化身中國四大美人圖,古代kitty,好特色又可愛呀。

燈籠造型的吊燈。

餐具上印有金色的Kitty圖案,看起來名貴,講下呢個前菜,就坐已係枱上,應該是蜂蜜芝麻腰果,$38,香甜幾好味,之後聽人講返如不需要前菜可以在入坐前說不要。

晚市茶每位$12,要了香片。

餐牌上有kitty模樣的都好吸引呀,我們2人,不能吃太多,點了主力的點心及一碟飯。

開動了,不捨得食呀。

Hello kitty流沙包,$62,賣相十分可愛,整得好精緻,包的口感比較硬,饀料適中,缺點是不太流沙,味道一般呀。

Hello kitty蝦餃皇,$68,好可愛呀,又係皮比較硬,蝦好大粒,少許鮮味,正常水準呀。

翡翠蝦球蛋白飯,$128,整都好似,底層綠色的是蒸蛋白,好大粒蝦球,幾爽口,偏清淡的味道,感覺比較健康。

Hello kitty叉燒酥,$48,叉燒饀太少,正常味道呀。

點心大合照呀。

裝潢上十分有心思,既有古樸茶居氣色又不失kitty的特色,食物賣相精緻,好可愛,味道普通,價錢貴了點,貴在手工及環境上,身為Hello kitty粉絲的我,試到已很滿足,又一次朝聖呀。

佐敦廣東道332-338號利來洋樓A至C地舖