貓之眼

約左Yan去食飯,近近地去左貓之眼食,雖然是平日,但都有人排隊,似乎頗受歡迎,排了15分鐘便有位了。

排隊中時揀定食乜,以咖喱及蛋包飯為主。

小小的店子,簡約主意設計。

店員的製服也有貓公仔,好得意呀,有點似忍者小靈精的獅子狗。

要了兩個招牌三色蛋包飯,每個$78。

招牌三色蛋包飯-咖喱豬肉+濃茄牛肉,橢圓形的碟,中間是蛋包飯,左右是醬汁,賣相真係好似眼呀,咖喱味濃,甜甜地,不太辣,豬肉OK,蕃茄味道好濃郁,牛肉好味,蛋夠滑,白飯份量好多呀。

招牌三色蛋包飯-忌廉雞肉+濃茄牛肉,Yan的,試了一點忌廉雞肉,味道不俗。

食晒後會見到貓的道謝。

有水準的咖喱蛋包飯,店員態度友善,不俗的店子。

灣仔汕頭街25號地舖