老馮茶居

星期日同Yin到元朗行街,順便食lunch.去了近期出名的老馮茶居,去到時剛好有二人位呢。

小小的面積,裝潢以懷舊為主,舊香港的情懷。

掌櫃。

鳥籠及收音機。

香港的舊建築,公屋及上下格床。

晾衫竹及牌坊。

冰室卡位。

雞公餐具。

點心紙,當日的鵪鶉蛋燒賣售罄,好可惜呀。

老馮鮮蝦腸,$25,蝦大粒爽口,但不太鮮味。

蟹子燒賣皇,$28,好大粒,味道不俗。

金牌叉燒包,$18,一籠得兩個,比較少,味道正常水準。

古法千層糕,$18,好耐冇食的點心,一層鬆糕一層奶黃餡搭建而成,奶黃餡內有鹹蛋黃及椰絲,味道香甜,幾好味呀。 

四寶滑雞扎,$25。

腐皮太小卷不實,內有雞肉、火腿、魚肚及蟹柳,味道普通。

整體來講環境取勝,小小的地方,花了不少心思,張舊香港風情展現眼前,食物味道普通水準。

現在有不少的餐廳及展覽都以懷舊為主,雖然是搭建出來的,可能沒有真實的味道,但我也會想去看下,隨著時代變遷,有好多東西及地方已經不在.消失了,只好靠展覽及以懷舊為主的小店再去懷緬一番,當然如果能夠保留舊地及老店就更是好事了。

元朗大棠路66號地舖