Fine foods pasta

踏入12月,竟然仲下雨,凍多兩錢重,約了去大角咀食飯,到了一間cafe食晚飯同避雨。

一入去,有種好溫暖的感覺,可能因為出面太凍又下雨,入到來有強烈的對比,平日的夜晚最初沒人,之後就開始多人了。

小小的一家cafe,簡簡單單的設計。

不少得的聖誕佈置。

用的是黃燈,感覺好warm。

要了兩個set,A6  & 另一個餐牌的特製香橙汁配鴨胸意粉。

因為知我地是share食,比定碟我地分,好細心,好得意的碟子。

咖啡,味道OK,係咁凍之下飲,又暖又舒服。

A6 all day breakfast,$98,班尼迪蛋、雞肉腸、豬肉腸、法蘭克福腸、卓玲亞腸、薯餅、煙肉、粟米及多士,份量好多,差不多都是打孖上的,必share,好多腸呀,班尼迪蛋欠缺了火腿,遜色左少少,煙肉硬左少少,整體正常水準。

香橙汁配鴨胸意粉,$68,份量好多,又係可以share,意粉味道幾好,好多鴨胸呀,感覺好滿足。

食物味道正常不算太特別,環境設計簡單唔算有特色,但有一種輕鬆同溫暖的感覺,吹水之選呀。

大角咀櫻桃街26號A富多來新村一期地下18號舗