薩莉亞意式餐廳

3人係大埔食飯,久聞呢間餐廳又平又抵食,想試好耐了,但成日都排長龍,今次好早7:00去,好快就有位了。

即睇有咩食,好多都好平呢。

辣味雞翼(4隻),$17,雖然唔覺得辣,但味道幾好。

黑椒蜆肉鐵板煮,$17,份量都幾多,好抵食,味道不俗呀。

煙肉菠蘿比薩,$29,好平,是一個小PIZZA來的,3人食真係夠晒飽,味道OK。

雞肉多利亞,$27,是焗飯來的,甜蝦好味,濃郁芝士味道,幾好食呀。

蒜蓉焗田螺,$24,都幾大粒田螺,抵食呀。

$12可無限添飲,食物水準及格價同IKEA類似,真係又平又好食呀。

大埔汀角路10號大元街市地下423號舖