Mala's Fusion Cuisine

繼上次大漠之後,又試新野了,今次到一家多國菜的店,老闆是印度人,是一個好NICE的人。

已BOOK了4人位子,一坐底,就來了一客小食,是薄脆片來的,很多印度餐廳也有提供。

分了食物及飲品的MENU,食物上蠻多選擇,正苦惱中時老闆推介了幾道菜式,應該是人氣之選,照試了!

香芒魚柳沙律,$98,好大碟沙律,造型好似蛋糕,有芒果、青瓜、泰式魚柳、紅椒、蕃茄、胡椒及亞洲風味醬汁等,大塊魚柳香口,瓜菜新鮮爽口,芒果香甜,整體味道清新。

墨西哥意大利飯,$95,以南瓜、櫻桃蕃茄、芹菜及甜椒而成,味道戴點酸甜開胃,口感黏稠濕潤,不俗。

四季薄餅,$98,香脆薄底,有辣味燒雞、菠菜、馬鈴薯、蘑菇、甜辣醬及酸忌廉,餡料豐富,仲有拉絲效果,味道濃郁,好食呀。

印式炒菠菜薯仔,$68,薯仔加上菠菜茸,有少少CREAM,味道真係一讚,估唔到咁好味。

芝士烤餅,$28,印式炒菠菜薯仔當然要係烤餅伴食,烤餅油油地,有點膩。

碳燒優格雞腿肉,$82,啖啖肉,味道一般。

Papaya & orange smoothie,$36,口感杰杰地,少少木瓜味及橙味。

好鐘意佢的薄餅同炒菠菜薯仔,好味道,老闆又好人有禮貌,值得去下呀。

佐敦廟街273-275號寶發大廈地下3號