Full House Signature~

同食之戰友aeris去食飯,當然要一齊試下新野啦,經過見到喱間餐廳,比架粉紅色車吸引左注意。

咁搶眼,當然要入去睇下,粉紅色mini copper其實是蛋糕櫃來的。

普普通通的甜品,但以環境來計,是合理價。

見個公仔幾得意又看多幾眼,原以為只食甜品,睇真d個memu,原來係食星馬菜的,一間以結婚及家為主題的西餐廳,還提供一站式婚慶服務,都幾特別。

一睇就知是全家幅,原來公仔是有名堂的,爸爸Thomas、媽媽Tracy、弟弟Tony及姐姐Tiffanl‧

餐廳就在地庫,樓梯沿途的都是畫。

還有燈籠!好親切之感覺。

落到地庫,其中一個範圍,有介紹婚慶的配套服務,應該係諮詢處。

進入內堂,有個新郎哥公仔恭候。

餐廳環境好大,有空間感,裝潢以白色為主,別緻的枱椅、水晶吊燈、感覺華麗,加上公仔擺設,有著夢幻的感覺。

MENU都好講究,有公仔有埋畫出來的食譜。

Strawberry Sunrise 暮光之戀,$48,口感似雪香,草莓味淡,一般。

Papaya Gulp 橘紅蜜月,$48,areis的,都係味道偏淡。

海解喇沙,$112,好似係招牌貨之一,就試下,有青口、魷魚、大蝦、魚片、豆腐卜不等,好足料,都是雙份的,似乎預大家開心Share,但味道一般,有雪味,喇沙湯底太淡,沒有酸辣味,只有少少的椰香。

秘製烤雞半隻,$148,都是雙份的,味道上相比喇沙之下好少少,正常味道,但以價格來計不伐算。

綜合來講只係食景,環境真係花了不少心思,吸引了不少女仕,見個場都是女的就知,也有情侶呢,食物方便一般,太淡,要改善一下,服務態度幾好,雖然熟食麻麻,但甜品唔知好唔好食,有機都會試下甜品。

講起來蝕左,其實餐廳門口有張傳單,上面有coupon消費滿$200可送甜品,各位想幫襯時記得拎左先呀。

尖沙咀加拿芬道25-31號國際商業信貸銀行大廈地下1A舖