詩餅坊

記得以前,每次去堅尼地城都係為左食新興食家的流沙包,冇來一排,原來已經搬了舖位,只去看了一眼,冇入去食,因為今次目的是綠茶紅豆蛋糕。

小小的一間蛋糕店,入面只有兩張二人枱,多數是外賣。

幾多款式,但早已有心水。

飲品是TWININGS  TEA,$15一杯,可添飲,要了INFUSIONS PURE PEPPERMINT。

好可愛的馬騮呀。

INFUSIONS PURE PEPPERMINT,香草茶,有清新的薄荷味,苦苦地味道有點像中藥,一下子不能接受,飲飲下又覺得不俗。

綠茶紅豆蛋糕,$32,外層的綠茶脆條,鬆化戴點煙韌,綠茶味濃,裡面是紅豆忌廉蛋糕,少少甜,味道清清地,好味呀。

彩芒慕詩,$42,黃色的慕士蛋糕,配上色彩繽紛的馬卡龍點綴,令賣相更鮮艷觸目,味道也不俗,清香的芒果慕士,口感軟滑,馬卡龍少甜不漏,不俗。

整體來講蛋糕都是清清地不漏,很讚!唯獨是堂食不太好,因為環境太焗了,好似冇開冷氣咁,唔知係味壞左喱。

 西環堅尼地城厚和街43號地下