樂園~

最近成日拎大假,因為仲唔放假散唔晒了...又冇錢去旅行,只好係HK周圍行下周圍食了,YAN推介了一間平平地既CAFE食,LUNCH SET平均$20-$40不等,真係好抵WO,地點又係TST。個門面簡簡單單。

差唔多兩點,冇乜人呀,好似包場一樣,個場以簡單白色為主,普通CAFE既面積,座到40人左右。

牆上有幅感覺上似幼稚園的壁報,有畫又有相,仲有我最LIKE既KITTY~老闆一定係KITTY FANS XD(屈左)~!據聞畫上兩個少女就係CAFE既老板,灰色貓係真係其貓呀。

就係以下喱隻~淺灰色的貓~懶洋洋的~佢好乖架~影佢會看鏡頭~好可愛~~~~!

好多GAME玩咁WO,兔仔燈籠好搶眼呀。

開放式廚房。

LUNCH SET,平到連$20都有,+$5可轉特飲,凍飲再加$2。

青蘋果綠茶,幾香青蘋果味。

YAN的蜜桃茶。

意式白汁海鮮意粉,比較細兜,女仔夠食,有青口、魷魚、蝦,都足料,不過味道比較淡。

芝士焗肉醬意粉,試左少少,味道唔算好濃郁,都OK。

食完野又忍唔住同隻CAT玩,太可愛~!最近去好多CAFE都有CAT,太正了~~~~~~~!

食物上普通,不過幾平,環境都幾舒服。而加樓上CAFE真係多不勝數,特別係MK、TST AND CWB,公仔主題又有、女僕又有、貓CAFE都有(不過仲未去XD)等吸引顧客注意,本身對樓上CAFE興趣不太因為多數都唔好食同貴,只係一個成班人玩GAME聚會既地方(OR包場之選),但最近有點改觀,因為喱間好平XD,係tst搵個咁平既lunch食好難,$20都有真係樂園了,同想支持下年青人創業,有心做就會支持~!

尖沙咀北京道65-69號環球商業大廈2樓205-06室