維記咖啡粉麵~

講起深水埗有咩好食,即想起維記既豬潤麵。趁假期日去食,遠遠處望過去,已經見到一堆人門口,以為有排等...再睇真d,原來有成三舍舖位,仲要係攞飛等嗌唔洗排隊,好做法。等左兩三個字就入得去了,太好了!

一坐底,近乎唔洗睇餐牌即嗌左豬潤麵同凍咖啡,實在太想食!

豬潤麵,薄片既豬潤,入口爽滑冇腥味,夠新鮮,豬潤水做湯底,味道濃郁唔肥膩,賣相仲要清清地,果然係夠殺食。

咖央西多,見對面枱食得好滋味,忍唔住都食,少少甜,有蛋香,口感軟,喱種感覺,有少少似小時候婆婆整既西多士...麵包沾上蛋醬再拎去煎,竟然有種親切感..!

食食下追逐著一堆往事...記得岩岩做喱份工時,aeris戴我周圍去食野,喱間係有深刻印象之一,因為本身麻麻地豬潤,點知一食愛上左,太攪笑!之後就開始...不過周圍搵野食XD~!

深水埗福榮街62號及66號地下及北河街165-167號地下D號

凍咖啡,細細杯,唔記得影...好香濃咖啡味,正呀。