翡翠拉麵小籠包~

好想食小籠包,去左翡翠拉麵小籠包,聽講喱到除左小籠包之外,有個蘿蔔絲酥餅好好食,為食既我就更係要一試啦,因為喱家店出名多人,我地提早6:30去食了,因為時間尚早唔洗等呀。

兩個女仔,唔係好肚餓,叫一碗麵同兩碟點心都夠了。上海小籠包,$36,必食,熱辣辣,入面好多湯多肉汁,真係夠汁又夠味。

蘿蔔絲酥餅,$33,口感酥脆唔油膩,入面白蘿蔔絲餡夠熱,味道清甜,真係好幾食呀。

嫩雞燴麵,$56,看似好細碗,實際份量多,湯底杰雞湯味濃,燴麵少少稔,雞肉嫩,唔錯,如果多返d菜都好點呀。

價錢上都會合理,係個嫩雞燴麵比想像中貴,食物唔錯,下次可以試多幾款了。環境上,可能因為係尖沙咀,同上海菜,場內不少遊客,以自由行偏多,加上個場有d迫,感覺上都幾嘈,有點似酒樓呀。

尖沙咀廣東道17號海港城港威商場3樓3328號舖