2012年10月30日 星期二

旺角發記甜品~

好耐冇食過飯後甜品,yin話想試下發記,原來已開左咁多分店,說到發記,真係好耐冇食過,有5-6年...果時係深井果間食,feel個榴槤飄香好好食呀,可能因為果時少出去食甜品卦,隨住食過不少甜品店,發現好多種類都大同小異,玩卓頭但唔好食既都唔少...有時都會想起深井間發記,印象上最好食,MK喱間分店...唔知好唔好食喱。



唔知點解個格局有少少似滿記FEEL.......。

今次冇試榴槤飄香,試左其他野,有3人,一於叫3款開心SHARE。楊枝甘露,有成半個芒果肉,西柚肉都多,好足料呀,味道香濃口感順滑,幾好味。

榴槤糯米卷,入面幾多榴槤肉,好香榴槤味,不過又榴槤又糯米,都幾滯。

焗香蕉酥皮卷,個賣相好吸引,皮脆內軟,熱熱地溶溶地既香蕉味道更好,但皮太濃,變左有點苦味呀。

甜品上OK啦,環境上好唔得,太污糟,因為好多蚊,個地又黐立立,影響晒,店員又成日唔啋人,不過有機係唔夠人手既問題,各方便都要改善下啦。感覺上冇深井果間咁好食,可能因為食既野唔同...有機想再去返深井果間試下。



旺角豉油街27號地下 

沒有留言:

張貼留言