又一間餐室~

TST而加好多樓上市肆,最近經過流尚店,發現都有幾間新食店,反正唔知食咩好,當試下新野呀。

天花板、風扇,古典的感覺。

環境唔算好大,分左兩個格局,一邊係古典風格,另一邊係扮露天茶座,但其實都係室內,只係座位有帳篷而已,個環境其實幾靚,不過廚房係開放式既,爭點了。

晚餐來講價錢算係咁啦。

凍檸茶。

羅宋湯普通,點解個set有湯但又冇餐包既.........。

巴黎焗豬扒飯,個賣相幾靚wo,太陽蛋好吸引,有少少似萊佬餐廳的焗豬扒飯,味道估唔到竟然係好食,熱辣辣的焗豬扒飯,芝士茄醬味道濃郁香口,豬扒鬆化有肉汁,炒飯有蛋香,正左呀。

芝士焗肉醬意粉,唔係太鐘意青豆,芝士肉醬都幾多不過味道唔夠濃呀。

冇乜期待喱間好食,不過唔估到個焗豬扒飯咁正,下次可再來了。

尖沙咀廣東道82-84號流尚店4樓