2010年10月11日 星期一

名爵~

舊同事聚餐,係灣仔既酒樓到食,間酒樓好似係新開的,搵左陣先搵到呀...!入面好華麗呀~西式既設計,仲要有天幕(放煙花中好靚),個景唔錯呀~!


好多畫~!

胡麻醬波士頓龍蝦,喱碟龍蝦幾好味呀,隻龍蝦幾新鮮,食落幾鮮甜,肉質彈牙又唔韌,加上用胡麻醬來配搭感覺幾清新,亦突出左龍蝦既鮮味~!

黑松露彩椒炒帶子,其實即係西蘭花炒帶子,不過佢既特別之處係帶子上面有一點點的黑松露,感覺很貴呢XD,帶子食落幾清甜可口呀,西蘭花亦幾爽脆,唔錯呀~!

鮮胡椒醬燒牛肋肉,喱個又係好好味呀,牛肋肉食落好鬆軟,一點都唔韌,加上黑椒燒之下好入味,唔錯呀~!
成餐飯叫左6~7個餸到,最深刻印象係以上喱幾個,因為幾好味呀,特別係龍蝦最好味,其他既小菜都唔錯,同都算幾低食,咁多餸之下都係$10XX到,8個人一定夠食了XD~!

沒有留言:

張貼留言