尖沙咀萬豚屋~

同yan去萬豚屋食野,聽人講好多人去食同幾好味,去到真係好多人排隊呀,排左半個鐘到,比想像中算係快了,因為係食飯時段呀~!

入面環境幾細,我地坐既係卡位,都幾舒服呀~!

即睇有咩食呀,喱到出名係豚肉and手打烏冬,揀左一陣先諗到叫咩好呀~!

落單紙~!

一口上級豚肉燒~實在太好味呀喱個,要推介,豚肉係用鐵板燒咁上既,食落熱辣辣,肉質又嫩滑,咬落去極之鬆化,豚肉本身唔係完全係瘦肉,略帶少少少肥糕,食落肥美又多汁,好好味,不過一定要趁熱食,因為凍左會有少少韌!

香炸北海道鮮蠔~熱辣辣既鮮蠔,食果時要小心辣到口呀,都幾新鮮的,同算係幾大件呀,配合個醬來食真係唔錯既,不過唔算係特別好食,係比普通既好少少少啦~!

黑担担厚切豚肉手打烏冬~其實本身係唔太食烏冬架,不過哩到出名既係烏冬,味即管試下,果然有驚喜呀,石燒之下保持熱食既狀態唔錯呀~!

手打既烏冬,其實我都唔識分咩手打唔手打呀,不過喱到既烏冬食落真係同平時食既唔同(我只食過超市一包包同赤丸@@"),喱到既烏睇落係比較晶瑩剔透點,食落好滑好彈牙,幾好味~加上個黑芝麻湯底好濃令到d烏冬好入味,唔錯呀~~!不過個芝麻濃底真係好濃呀,食落有點漏,可能會比較岩鍾意食芝麻既人仕~!至於個豚肉,係半肥瘦既,食落又係好鬆化,幾林既,好味呀,同豚肉既份量都好多下,同幾大件下,真係睇出唔咁多呀~!

石燒上級牛肉手打烏冬~食左咁多豚肉,又想試下牛肉呀,喱張相係半生熟狀態,都好吸引呀~!

隔左陣再攪混就熟呀~!

本身鍾意食肥牛之下覺得幾好味呀,牛肉本身唔算太特別既,個湯底好濃郁,幾好味,不過食食下有少少少漏,同因為保溫之下牛肉熟得滯有點韌,牛肉既份量有好多既,食到底先知呀,即係覺得抵食,比較起來既話喱個烏冬係好食點呀~!

好熟既茶味,諗唔起個名呀,係咩喱~~~~~~~~~~~!!!!!!!

綜合來講幾有水準,豚肉燒好味,手打烏冬又係好味,野食方面味面係偏濃郁,食食下有少少漏,又唔算好漏果種,份量幾多下有滿足既感覺呀~~~~!

尖沙咀赫德道19-23號地舖

key cafe既抹茶味雪糕~$12~好有抹茶味呀~~~~~!

吉野家既三重芝士牛肉飯幾好味~~~~~!

又食喱個飯好抵呀~!