假日同友人行下順便食晚飯，友人推介一間以露營為主題的cafe，一於試下。
餐廳有兩層，白牆身木枱椅及植物的擺設有著小清新之感，係小巷的露天坐位，加上暖色燈光的配合都幾有feel。
假日大約7點的上環多數都靜，餐廳冇乜人，我們二人坐在下層窗邊位，室內街外都好寧靜。
手機落單，已有心水選擇。
煙肉溫泉蛋櫻花蝦扁意粉，$158，扁意粉軟硬適中口感煙韌，海膽醬份量豐富，味道鮮味濃郁，配上櫻花蝦及煙肉鹹香更美味。
香煎鵝肝慢煮鴨腿伴松露蘑菇意大利飯，$238。
賣相吸引，好大塊鵝肝，面層焦香脆口，味道甘香油潤，美味!鴨腿外皮脆富油香，肉質軟嫩多汁，輕易折開食得方便，味道鹹香，松露蘑菇意大利飯香氣十足，意大利飯有咬口，醬汁豐富口感creamy，味道不俗。
義大利開心果Tiramisu，$58，想食開心果又想食tiramisu，呢個可次過滿足晒，質感軟滑細膩，有閞心果味，唔算好濃郁但OK，同時亦有淡淡的咖啡味，tiramisu口感開心果的味道，個組合都不俗。
食物味道不俗，環境舒適自在。
上環蘇杭街126號地下C號舖
沒有留言:
張貼留言