101手工涮涮鍋 (銅鑼灣)

 

 假日同友人係銅記行下順便食飯，今次去係IG瘋傳的午市$61一人火鍋，咁平即去試下。

1點到去到，唔太多人即時有位，入座起用餐時間為60分鐘。

餐廳面積頗大，坐窗邊的卡位最正，是去到時卡位已滿，但唔係卡位，坐的都是梳化椅，位子闊落都舒適。

午市套餐餐牌，湯底都有六款揀，可揀白飯、米線及麵等，麵配料任款三款(額外每款另+$9)，包一杯冇酒精飲品。

揀了：

三杯雞湯（辣）

台灣沙茶滑牛片

秘製台灣雞件

甜不辣

公仔麵

盤栽炭燒咖啡珍珠

三杯雞個湯底味道香辣(已經係少辣但我都覺得辣，因怕辣)，滑牛片份量十足，口感爽滑有沙茶醬味，雞件份量唔算好多但大件，味道正常水準，甜不辣大片，口感軟諗甜甜地不俗。公仔麵索晒汁食落麵好辣。

盤栽炭燒咖啡珍珠，好大杯，賣相不俗，但冇乜咖啡味，偏淡。

一人一鍋食得自在，同友人又可以大家叫唔同湯底試下，食物味道不俗，份量十足，好抵食呢，下次有機再戰。

 

銅鑼灣登龍街1-29號金朝陽中心二期 - Midtown 29樓