假日親戚飯聚，揀左到大埔萬發海鮮菜館，據聞係新開冇耐，叫餸食飯，親戚發辦。
餐廳面積頗大，似大排檔格局。
粟米魚肚羹，$148，好耐冇食過呢類野了，粟米味道濃郁，口感稠黏，正常水準。
滷水鵝片(例)，$168，鵝片肉質鮮嫩柔軟，滷水的鹹香味道濃郁，不俗。
椒鹽鮮魷，$148，外層酥脆，鮮魷惹味，口感爽牙，美味。
椒鹽炸豆腐，$98，比平時見到的大件，外層脆內軟滑，幾惹味。
帝皇小炒，$118，有鮮魷、腰果及蝦米等的雜錦，豐富又惹味。
薯仔牛柳粒，$148，薯仔香口惹味，牛柳粒焦香肉軟嫩幾美味。
豉椒炒聖子皇，$148，聖子肥美，爽口鮮甜又惹味。
食物味道不俗，開心的一餐。
大埔富善邨熟食亭1號舖
沒有留言:
張貼留言