假日同友人去睇Show而早點食飯，上網見到呢間保頓冰室幾有特色又啱食就一試。
餐廳面積中等，舊冰室的設計，舊式廣告招貼及擺設，營造懷舊之感。
餐牌，茶記基本野有就梗，見生炸雞脾及豬油撈飯幾出名就揀了，可以手機落單同時又可人手。
熱奶茶及凍熱茶，正常水準。
生炸雞脾雙蛋飯，$65。
好大隻雞脾，外層十分香脆惹味，雞肉嫩滑多汁，味道不俗，蒜蓉汁，快餐店水準，配煎雙蛋撈飯味道豐富。
中式牛柳豬油撈飯，$95，好少可見到豬油撈飯，付上豬油及豉油自己撈，味道香口，中式牛柳份量十足，牛柳口感軟腍，味道酸酸甜甜送飯一流。
雪糕菠蘿包，$40，賣相吸引，雪糕似某牌子的雪糕，懷舊的味道，菠蘿包面層皮酥脆香甜，正常水準。
食物正常水準，個價呢區來講算合理，服務態度幾好，有特色的餐廳，見下午茶幾平，有機試下。
尖沙咀亞士厘道20A號地舖
沒有留言:
張貼留言