Plan B Cafe

約了小機及田會長到了尖沙咀一轉，順便食lunch，想去的餐廳full左，Plan B轉場，見到有間新開張的café，之前都有立過下眼，今次走去睇下，順便起下底，由黃店茶記老闆開設的café，揉合港式及西式的飲食文化，推出具創意的菜式，幾有特色一於試下。

餐廳有兩層，裝潢以黑白灰為主調，下層樓底高，抬頭有一幅巨型的畫作，與茶記幅畫有同工異曲之妙，亦增添藝術之感。

我們3人在上層，上層樓底矮，但感覺有私人空間，有家居之感，同時有不少佈置及擺設，月亮燈，太空人及模型，仲有吊椅，都幾多打卡位。

餐牌，食物及飲品都幾多選擇呢。

維也納綠茶，$46，我同小機都揀呢個，枝蜜糖攪棒好可愛，綠茶味濃厚，口感綿密，不俗呢。

草莓抹茶鮮奶，$46，田會長的。

魚香茄子意大利飯，$138，港式魚香茄子配上西式的意大利飯，感覺有創意同時有點怪，究竟味道會如何呢?唔理喇一野轟落去~味道又正常喎，魚香茄子味道濃郁，意大利飯又咬口，微辣，頭幾啖味道不俗，不過食食下就覺得有點鹹同漏。

卡邦尼溫泉蛋意粉，$118，小機的。

蜜汁叉燒漢堡，$138，田會長的。

食物有創意，味道正常水準，支持良心小店。

尖沙咀山林道3號協榮商業大廈地舖