何蘭正

 

放工約了Yan到中環食飯，揀了人氣店子-何蘭正，聽個名，知你咩料啦www~港式玩味餐廳，之前都好想去一轉，但直到間餐廳搬左舖都未去過.....趁今次有時間一於試下，Thanks Yan book位>3<，book了7:30，兩位。

餐廳面積寬敞，裝潢型格，不失港式風貌，掛燈泡佈置，有大排檔之感，霓虹燈招牌-鬼佬涼茶，打卡位之選~招財貓Bearbrick，玩味十足。

餐牌，揉合港式及西方飲食文化製作的創新菜式，十分吸引，名物係"黯然銷魂飯"，但又想試下其他多點，要了和牛臉腸粉、甜品及小食。

公雞碗碟，張餐紙好正。

咸梅西瓜沙冰，$58，唔太覺有咸梅味，西瓜香味冰涼清新，夏日之選，爽!

椰青龍井冷泡茶，$58，Yan的，賣相有特色。

脆炸蟹肉飯波配黑醋蛋黃醬，$88，入口香脆，內餡蟹肉份量多夠鮮味，口感豐富，味道不俗。

香煎澳洲和牛瞼，配沙爹金菇汁，櫻花蝦煎腸粉，$182，和牛份量適中，肉質入味夠腍，美味!滿滿的沙爹醬汁配上煎香的櫻花蝦腸粉，味道濃郁惹味，不俗呢。

巨大泡夫配港式奶茶忌廉‧咖啡絨毛‧咖啡年糕，$118，甜品有驚喜，賣相十分精緻，泡夫口感酥脆，奶茶忌廉軟滑，有香甜的奶茶味，咖啡絨毛口感有點似啫喱，清淡的咖啡味，泡夫內有朱古力漿及咖啡年糕，年糕煙韌有咖啡香味，美味呢。

有優惠卡儲印換咖啡。

食物味道不俗，有創意，好L正!價格略貴，不過計返中環呢區算差不多，環境氣氛不俗，下次有機要來把酒談歡。

中環雲咸街29號東方有色大廈2樓