SP Flower & Tea Room (尖沙咀中心)

 

放工約了Yan到尖沙咀食飯，最近開了不少花藝裝飾的cafe，網上搵到一間頗有特色的餐廳，以Simply Pleasure美學融入到生活之中，主打以花為題的蛋糕及輕食，賣相十分精緻，係Openrice訂座有8折優惠，即去一轉，book了19:00，2位。

餐廳裝潢以木系為主，木枱椅、地板，玻璃窗引入自然光，感覺柔和，四周佈置了陶器盆栽、乾花等的花藝擺設，感覺雅致，坐得舒適。近門口的位置，售賣蛋糕及茶禮等。

餐牌，本身想散叫，見到有Set Dinner，有沙律、餐湯、餐飲、主菜及甜品，食物及價格都可以，要了。

Dinner For Two-A+B，$548。

南非蜜樹檸檬茶，味道獨特，清香之感。

手工湯-粟米湯，粟米味道香甜。

有機豆腐牛油果藜麥沙律伴日本芝麻醬，喜歡呢個組合，牛油果及藜麥等都係Superfood，感覺健康，豆腐軟滑配合沙律菜，味道清新。

岩鹽澳洲天然牛柳‧香草薯菜‧紅酒玫瑰汁，牛柳肉質軟嫩，牛肉味濃，有岩鹽增添少許鹹香，香草薯菜味道濃郁。

北海道帶子海洋蝶豆花忌廉燉飯，以食用花作點綴，賣相十分精美，忌廉燉飯以蝶豆花入饌，充滿夢幻的紫色，燉飯口感creamy，三粒帶子厚身，味道鮮甜，口感爽彈，不俗。

伯爵朱古力窩夫(兩件)‧蜜糖脆脆，窩夫口感外脆內軟，而窩夫底部有伯爵朱古力忌廉，入口有淡淡的伯爵茶香味，蜜糖脆脆，口感脆好香的蜜糖味呢。

玫瑰荔枝洛神花蛋糕，跟餐+$32。

來得呢到，一定要試下出名的花藝蛋糕，以花裝飾賣相精緻，靚到唔捨得食，慕絲軟滑，有淡淡的荔枝味同時又有玫瑰香氣，味道平均，微微的酸，清香，口感輕盈不太甜膩，幾美味呢。

食物有水準，坐得舒適，價格合理，服務態度有禮貌，不論食物及環境都感覺優雅，怪不得吸引不少女仕到場，打卡之選。

尖沙咀麼地道66號尖沙咀中心地下G64-66號舖