ChaTraMue

 

飯後經過中環見到ChaTraMue，原來係第一日開業，ChaTraMue-早幾年已登陸香港，但果陣興趣不大，因成日覺得泰國奶茶好甜(N年前係泰國飲過杯好甜嘅奶茶及香港好多泰式奶茶都好甜)，但好多話正，炎夏之下又想飲杯凍野，一於試下，Thank Yan 請客www。

本身想試下泰國玫瑰奶茶，賣相靚玫瑰又吸引，但店員溫馨提示呢款係排毒瀉茶...仲要搭車...都係揀其他款安全點。

有不少口味的奶茶，仲有茶、咖啡、特飲、Latte及雪糕等，亦有售賣茶葉。

正宗泰國奶茶，$30，好大杯奶茶，奶茶口感順滑，有獨特的香味，濃郁的茶香氣，清香不甜膩，都不俗呢。

泰國斑蘭珍珠抹茶鮮奶，$39，Yan的。

試過即愛上了。

中環皇后大道中100號地下A號舖