峇里堂

收工後約了4人飯聚，感覺上好似好耐冇4人聚了，揀了之前想去的餐廳-峇里堂，印尼菜，前身為昔日老店峇里餐廳，現在由第二代情侶檔重生開店，大廚是印尼人，本身好少食印尼菜，好奇試下，Thanks田會長book位，4人，19:30。

餐廳面積頗大，灰色水泥牆身、木枱椅，彩色玻璃吊燈，裝潢簡潔。

有自助斟水。

餐牌，食物選擇唔算好多，加上大家又唔太肚餓，要了兩個飯餐、一個小菜、串燒及甜品，4人開心些牙。

鮮檸氣泡咖啡，跟餐(主食飯類)+$18，天氣太熱，想飲杯凍啡，咖啡味不太濃，微微的酸，感覺清涼。

鮮椰汁紅豆冰，$36，田會長及King的。

雙色咖央多士，$34，似乎係名物之一，好奇一試，黃綠色的多士，賣相鮮艷，內餡咖央及牛油份量較少，甜甜地，味道普通。

特製峇里式串燒，$44@2串，成份有魚肉及蝦肉，口感軟腍，香料味重。

峇里堂海鮮煎，$66，賣相同口感都有點似蚵仔煎，面層有蝦片、芽菜及青瓜等，入口有蝦醬的味道，海鮮煎口感唔太酥脆，比較腍，內餡有蝦及帶子，味道普通。

不變‧招牌巴東牛展肉飯，$66，+$8要了金貝飯，以香茅、薑黃、檸檬葉、香料及椰汁製作而成，飯粒粒分明，入口淡淡的椰汁及薑黃味，香料味重，味道清新，牛展肉份量適中，口感柔軟，醬汁味道濃郁。

印尼沙嗲炒豬肉飯，56，比較偏甜沙嗲醬，豬肉香口，喜歡甜沙嗲的人可一試。

峇里堂珍多公雞冰冰，$42，公雞碗係賣點，有珍多、紅豆及大樹菠蘿等配料，冰有椰香味，味道香甜透心涼，消暑佳品。

張單，找亮點www~So I say I Love U~

食物有特色，呢區來講真係幾抵食。

尖沙咀彌敦道176號The Nate3樓