心之食堂

 

晚上係銅鑼灣行街，唔算好肚餓，但好想搵個地方食野坐下，首選輕食及串燒店，假日的晚飯時段周圍都好多人，搵左幾間先搵到一間有位，見係黃店又係串燒，即幫襯了。

小小的店子，我們2人，坐吧枱，張枱貼有QR Code，落單之用，都幾方便。

薄荷菠蘿特飲，$38，天氣太熱，主要想飲杯野，但又唔想飲酒，見有薄荷特飲即點了，味道普通，但消暑呢。

厚燒牛舌心(1串)，$58，一串有3片，厚身又大件的牛舌，口感較韌，肉味唔算好濃，味道普通。

京蔥雞肉串(2串)，$40，京蔥燒得香口，雞肉口感實，味道普通。

炸芋圓，$38，有5粒，熱騰騰，外脆，芋泥香甜，正常水準。

食物味道普通，有進步空間，一樣會支持下。

銅鑼灣耀華街3號百樂中心12樓1203室