粉果佬 (大埔)

 

同田會長及king下午茶後，係大埔周圍行下，king話據聞有檔燒賣好出名不如試下，無錯！就係以前係廣福邨高山(已分家)-堪稱大埔燒賣佬開設既粉果佬(特別鳴謝駐大埔友人嘅報道)，大埔名物之一試下先，好快見到間店，果然有人龍，唔想排好耐加上好飽決定行多陣街先食，來個午後之燒賣。

大約18:00再去，剛好得幾個人排隊，即買。

魚肉燒賣，$10/5粒，我地買了$20/10粒，開心些牙。

即叫即蒸熱騰騰，燒賣材料有豬肉、鯊魚肉、地魚、葱頭及冬菜等，因為係人手包，每粒形狀不同，入口煙韌有魚味，唔係一舊粉真係有肉嘅口感，懷舊的味道，不俗，配上自家製辣油，(呢個真係必要，因為會問你要唔要辣，始終燒賣配辣椒油先係王道)，辣油入口又香又辣有層次，唔係一味得個辣字，辣度適中，其辣味唔會停留好耐，真係做到香辣效果，令人回味。

田會長好欣賞呢~~~其後我地先知有售賣辣椒油，下次經過要買了。

不俗的小食。

大埔安慈路4號昌運中心地下32號舖