seoulmate cafe

久違了的二人聚，上年12月同小機到銅記行街，順便食lunch，上網見到有間韓式cafe，主打創新的fusion韓食，其中的雪山黑松露燴飯好可愛，雖然有一刻閃過好睇唔好食，小心有伏!但唔食唔知好冇食，一於挑機，12月適逢聖誕，有聖誕樹係好合理既~。

餐廳內堂設計簡約，白牆上的有一幅雲公仔壁畫，簡單中花上心思，木系枱椅、暖色的雲燈，光線柔和，感覺舒適。

餐廳設有後花園，是賣點之一，有戶外位置，感覺relax，有機想坐下韆鞦椅呀。

MENU。

食物尚算多選擇。

薑餅咖啡，$44，薑味不算太強烈。

綠茶拿鐵，$42，友人的。

牛燒豬仔脾配鐵板芝士，88。

有3件燒豬仔脾，底層是豐富的芝士，豬仔脾尚算大件，肉質鬆化，幾香口，配上芝士食更滋味。

雪山黑松露燴飯，$138。

又係相機食先的時候，實在太可愛了~雪山外層是用蛋白、竹炭粉而成，冇乜味的，切開，內裡是黑松露海鮮燴飯，有蝦、帶子、蜆肉、墨魚等，餡料十足，燴飯有淡淡黑松露的香，撈埋流心蛋漿更美味呀。

食物可愛又幾美味，有機再食呀。

銅鑼灣駱克道491-499號京都廣場4樓