OM Tapas

年尾年頭，好遠又好近～年尾小機生日飯聚後，年頭又再聚了(小的生日飯)，相約到尖沙咀行街食飯，在K11不遠處的棉登徑，到了一間頗有特色的店子－OM Tapas，是西班牙菜餐廳。

餐廳以現代工業風格為主，裝潢型格時尚，半開放式設計，高樓底，增加了空間感，環境寬闊，有舒適之感。

中英對照的餐牌。

Menu，好奇看簡介，餐廳除了傳統的西班牙菜外，還有融合了亞洲風味的菜式，亦有無肉餐單，適合素食者。

VIRGIN CAIPIRINHA，薑啤青檸，幾清新呀。

FRUIT PUNDH，小機的。

西班牙海膽北海道帶子脆包，＄188，有海膽及帶子，感覺名貴，甚少食到西班牙海膽﹐據聞西班牙海膽食法，經典方式配搭白麵包一起進食，來到必一試了，西班牙海膽，味道濃烈，咸香味濃，帶子鮮香，配上脆包口感有層次，幾好味呀。

香脆豬耳‧蒜味蛋黃醬，＄58，豬耳，平時食粤菜時常出現的佐酒小食﹐今次係西班牙菜出現﹐仲要係炸﹐好想試下﹐豬耳比想像中大件，外層香脆，內裡口感爽脆有層次，有少許黏口，味道不濃，配上蒜味蛋黃醬幾好味，值得試下的佐酒小食。

炸大蝦，鹹蛋黃醬，$89，出名的fusion菜，蝦同鹹蛋的搭檔，不禁想起黃金蝦。說起來近年有不少鹹蛋食物，鹹蛋魚皮、雞翼等，連雪糕都有，零食熟食甜品都出齊了～而今次呢個，就係個醬。

鹹蛋黃醬，淡淡的鹹蛋味，不算太強烈，冇咁Heavy，炸大蝦，有5大件，炸粉不厚，蝦肉爽口鮮味，幾好味呀。

西班牙海鮮飯，$298。

來到食西班牙菜，不其然就想試下西班牙海鮮飯，面層佈滿了豐富的海鮮，有蝦、青口、蜆及魷魚等，十分豐富，蝦爽口，青口肉質肥厚鮮甜。

據聞這裡的西班牙飯是用龍蝦湯底煮成，飯粒比較軟身冇咁硬，但口感不失煙韌有嚼勁，每粒飯吸滿湯汁，有鮮香味，幾好食呀。

有特色的西班牙菜，食物有水準，享受西班牙風情之餘又可一嘗創新的fusion菜，環境舒適有氣氛，下次可再戰呀。

thank小機的生日飯呀~~~~~~!

尖沙咀棉登徑1號地舖