鳥語

相約小機到尖沙咀行街順便食lunch，上網見到一間樓上cafe，其食物的賣相非常挑機，見到杯雪糕跌左落去兜意粉到......唔細看以為唔小心整到咁，知得係造型來，成功引到人家注意，伏味濃，但又好奇左﹐不如試下啦。

搶眼的霓紅燈招牌。

星期六大約2點多去到﹐都好多人呀，似乎幾受歡迎。

店子裝潢簡約，不經修飾的水泥地﹐木系枱椅﹐牆邊擺放了不少盆栽﹐透過玻璃窗照射進來的光線，有自然之感﹐設有和風位子﹐感覺悠閒，有文青feel的cafe。

我們坐和風位子，跪坐式位子，看起來幾靚，但坐落唔多舒適。

Menu，日式洋食﹐有不少牛油果菜式，亦是餐廳賣點之一，食物尚算多選擇。

牛油果胚芽白朱古力配懸浮棉花糖，＄55，好明顯比個公仔棉花糖吸引﹐好可愛的柴犬～唔捨得整爛，要了牛油果胚芽白朱古力，既然呢到主打牛油果，一於試下﹐白朱古力好甜，有淡淡的牛油果味，亦有少許牛油果肉，個味唔算好怪﹐因個人喜歡牛油果的關係覺得OK呀。

小機的飲品，都係柴犬棉花糖，沉沒中呢。

自家製手作粉紅鳥海鮮忌廉意粉，＄128，粉紅色 可遇不可求 ，粉紅色系列食物，大家不其然會諗色素，其實唔係，呢個貌似士多啤梨雪糕其實用紅菜頭汁及忌廉芝士混合之成，純天然食品，味道係點呢？就咁試一口，其實唔多覺有紅菜頭味﹐撈埋意粉一齊食口感creamy，味道正常水準﹐海鮮份量適中，有蝦、帶子等﹐都幾飽肚呀。

牛油果蟹棒帶子溫泉蛋丼，＄108﹐小機的﹐見到有好大件牛油果呀。

食物賣相有創意﹐味道普通。

尖沙咀厚福街12-12A號藍馬商業大廈10樓