FRITES Belgium on Tap

12月之星小機的生日飯，久違了的二人聚餐，上網找了一間餐廳，比利時菜，食物及環境看起來不俗，一於試下，見OPENRICE有得訂位即訂了 ，餐廳會另行以 SMS confirm booking。

MENU。

裝潢是傳統歐陸風格，木枱椅、吊燈，帶有古典華麗之感，適逢聖誕，佈置更有氣氛，餐廳面積頗大，樓底高空間十足，坐得舒適，燈光昏暗，播放著音樂，有relax之感，星期六的7:30，不算太多人，越夜就開始多人了。

之前在網上看了不少水心推介，據聞青口出名，必食之選呢。

DRINK MENU。

大家要了MOCKTAILS，飲杯野吹下水。

COCO COLADA，$55，pineapple coconut cream，即想起了菠椰!(TBB劇-3個女人一個因)，菠蘿跟椰奶味道平均，唔算太濃郁恰到好處，口感比想像中順滑不稠身，好大杯份量不少，真係可慢慢飲傾下計了。

      

CARDINAL PUNCH，$55，友人的。

CRAB TIAN(凍蟹肉千層)，$135，上層的蟹肉，下層是西芹頭，毛豆、牛油梨、蕃茄、荳芽苗等切碎組合而成，以麵包伴食，入口鮮甜又清新，口感有層次，配上的檸檬油醋汁，味道微酸更開胃，幾好味呀。

FRITES HOUSE MUSSELS(招牌忌廉青口半公斤)，$245。

半公斤份量以十分多，青口肉質飽滿，味道鲜美，配上軟滑的洋蔥忌廉更香甜好味，薯條粗身，熱騰騰，香脆好味呀。

PROVENCE LAMB CUTLETS(香草燒羊架)，$295，份量十足，共有5件羊架，仲要大件，紐西蘭羊架，羊肉口感鮮嫩，有肉汁，食落香口惹味，難得冇乜羶，好味，底層有馬鈴薯、燒菜及青豆等伴菜，薄片的馬鈴薯幾惹味呀。

好豐富的一餐，食物有水準，價格合理，環境舒服有氣氛，服務態度幾好，多是英文溝通但好似略懂中文，有機可再食呀。

大家工作忙，人大人各有自己的生活，能保持聯絡咁多年仲要係好友，實在太好了~有空要多約呀~!

銅鑼灣希雲街38號曦巒地下1號舖