一起果醬

近年多了餐廳玩主題，以公仔、品牌、季節等為主題的餐廳及期間限定食物多不勝數，今次去的都係主題店，不同的是，以返食物為主題-一起果醬，以果醬為主題的店子，是自家製的果醬，大多數食物同飲品都以果醬入饌，咁特別必試呀。

漂亮的湖水藍色的門面。

裝潢是簡約的設計，牆身的JAM十分搶眼，木架上擺放了果醬及飾物等，草牆、花磚地板、木系枱椅、有小清新的感覺。

有Set dinner，但一心想試下果醬的料理，散叫好了。

凡選擇關於果醬的食物，都可以挑選果醬的口味。

特調果醬紅茶，$65 for 2， 揀了雜莓果醬，茶具好靚呀，旁邊的沙漏可計時三分鐘，三分鐘後就是茶泡好的時間。

雜莓果醬，有少許果肉，好奇同紅茶一齊享用是甚麼效果。

把雜莓果醬加入紅茶內拌勻。

加入了雜莓果醬的紅茶，味道有微微的酸，少許莓味，竟然唔怪，仲要有少許似利賓納的味道呀。

玫瑰蘋果醬單骨雞翼，$39，有好香的玫瑰蘋果味，單骨雞翼，冇乜肉食，不過幾惹味。

全天英式早餐，$99，有芝士炒蛋、煙肉、牛仔早餐腸、紐約腸、焗車里茄、炒蘑菇、焗豆、厚多士及果醬，要了蛋黃菠蘿醬，菠蘿味十分香甜，有微微的蛋黃醬味，想不到蛋黃同菠蘿個味道竟然夾得到，厚多士硬左點，芝士炒蛋唔太有芝士味，不過炒蛋幾滑，其他的正常水準。

果醬九宮格多士，$49，有玫瑰蘋果、肉桂蘋果、士多啤梨、木瓜雪耳、雜莓、熱帶風情、桂花雪梨、芒果及黑糖四物，每款果醬的味道都十分突出。

玫瑰蘋果及桂花雪梨，味道清雅，熱帶風情、士多啤梨、雜莓及芒果，有濃郁的果香味，肉桂蘋果，肉桂味強烈，黑糖四物，黑糖味微甜，木瓜雪耳，只會想起糖水，用來做果醬，好奇係咩味，真係木瓜雪耳味道，木瓜味突出，微甜，味道不俗呀。

飯後送的薄荷糖。

十分有特色的店子，真材實料的果醬，有創意又好味，除左多士外，同時可以運用係其他食物及飲品上，下次有機要再來呀。

逢星期二休

尖沙咀松山道15-17號地下D舖