野玩山店

今年的除夕在星期六，可以在放假中渡過很不俗，更開心的是做sales的友人都有假放，咁難得放除夕，更係要約出來玩呀，上網搵下有咩特色店子，見到一間以山系露營為主題的餐廳，位置就係成日經過的英皇集團中心，竟然冇發覺到呀。

一入去，就見到搶眼的帳篷及一些戶外露營的用品。

店內面積係十分之大，甚有空間感，第一時間覺得係識合大夥兒開party的好地方，裝潢以山系野外為主，除了擺放帳篷、戶外用品之外，還有介紹攀山高手鍾健民的資訊，知多樣野呀，木板及石磚牆身、木系野餐長枱及圓枱，綠色木椅子，配搭像是樹木，感覺在戶外野餐似的。

見到有牛扒的breakfast，即揀呢個set了。

不銹鋼保暖壺及露營杯，好點題。

紫薯鮮奶LATTE，跟餐+$8轉的飲品，有濃郁的紫薯味，甜甜地，味道不俗呀。

STEAK & EGG BREAKFAST，$138。

有烤牛扒、鮮奶炒蛋、炒蘑菇、烤蕃茄、薯餅及黑麥多士，焦點在牛扒到，賣相好吸引，又大塊，牛味濃郁，有焦香味，但口感太硬同韌呀，鮮奶炒蛋份量多，不過唔算好滑，正常水準，炒蘑菇及烤蕃茄，冇乜調味，天然的味道，薯餅脆口好味，黑麥多士厚身，口感戴點煙韌，麥味十足，有牛油及果醬伴食，幾好味呀。

環境有特色又闊絡，坐得幾舒服，食物正常水準，價格合理，服務態度值得一讚，好NICE又細心，下次有機要試下晚餐呀。

灣仔軒尼詩道288號英皇集團中心1樓101-104號舖