翠園

假日同屋企人一齊去翠園飲茶，專登來到太和，為了點心車而來，推車仔及懷舊點心，有著香港地道的傳統文化，真係買少見少呀，位置係太和商場內，十分方便呀。

酒家面積頗大，裝潢是歐陸式的設計，柔和的主調，感覺淡雅，壁上用了龍鳳的裝飾，西式優雅當中帶點中式傳統呢。

餐具都是西式化。

習慣先看收費價目，星期日(其他時段)的收費:小點($24)，中點($31)，大點($35)，特點($40)，頂點($45)，茶芥每位($13)。

見到點心車，即叫野食了。

餐先小食，$13，其實覺得餐先小食一向有點屈機，不過間中來飲茶就照食，鹹酸菜及雲耳，鹹酸的味道好開胃又爽口。

蠔油鮮竹卷，好入味，都不俗呀。

四寶滑雞扎，內餡有雞肉、火腿、魚肚及冬菇，都算大件，味道正常水準。

蝦餃，$35，賣相十分精緻，面層有原粒帶子，蟹籽作點綴，感覺名貴，內有好大粒鮮蝦，爽口彈牙幾好味呀。

五柳炸雲吞，口感香脆，配甜酸醬伴食更好味。

雞絲脆春卷，口感香脆，用料十足，幾好味呀。

鳳爪，每次飲茶必食鳳爪，份量適中，夠入味不俗。

灌湯餃，$48，好耐冇食過，都幾貴，一個大家share，灌湯餃飽滿多汁，外皮薄，口感煙韌，內餡豐富，仲有好大粒帶子，上湯夠鮮味，好味呀。

香滑芝麻卷，兒時成日食的菲林卷，雖然而加好多齋舖都有，但想係酒樓食回味一番，有濃郁的黑芝麻味，微甜，都不俗呀。

好喜歡推車仔的文化，見到咩就想食咩，阿姐都好親切呢，埋單大約$383，星期六、日其他時段收費貴點，如果下午茶時段會平好多呀。

太和太和路12號太和商場第一期3樓302號舖