同友人係青衣城行街，行行下想搵個地方坐下食甜品，但係個商場裡面，甜品店唔多選擇，經過見到呢間泰國菜的店子，有甜品食，就試下了。
店子面積大，裝潢以藍白色為主調，木系枱椅及暖色燈，感覺柔和舒適。
I LIKE藍白色的配搭。
士多啤梨冰茶，$38，唔太有士多啤梨味，味道偏酸，不過又好解渴呀。
蘋果冰茶，$38，友人的，淡淡的青蘋果味。
菠蘿意大利奶凍伴香芒慕絲，$48，小小的一杯，上層有好多生果，有士多啤梨、藍莓、火龍果及奇異果等，生果都係偏酸，裡內是奶凍及香芒慕絲，有芒果味香，質感滑，正常水準。
脆焗芒果糯米金寶，$48，見幾有特色，於是試下了。
椰汁及芒果汁注入脆焗芒果糯米金寶內。
面層鬆脆甜甜地，入面微熱，有芒果粒及糯米，食落好似芒果糯米飯，糯米煙韌，有芒果味香，偏甜，不過唔算太好食，味道普通呀。
據聞呢到的泰國菜不俗，不過今次試左甜品覺得一般，下次有機去要試下熟食呀。
青衣青敬路33號青衣城3樓302號舖
沒有留言:
張貼留言