派格餐廳

又是每月一餐的時候，今次揀左派格餐廳，以BIGPACK牌子作主題的Cafe，德國菜美食，想去呢間好耐了，今次終於可試下，book左4位，8:30。

餐廳設計以阿爾卑斯山木屋為概念，面積頗大，以木系為主調，暖色的燈光，感覺好warm，木枱椅十分闊絡，坐得好舒服，店子內擺放不少Bigpack牌子的產品及雪山照片，給食客觀賞，適逢聖誕，有聖誕的佈置，令氣氛加倍溫馨歡樂。

MENU，出名有芝士火鍋及德國咸豬手，因我們4人，會食唔晒，兩者之下，揀了德國咸豬手，及一些小食好了。

ERDINGER BEER，$68，食德國咸豬手，最好配啤酒。

mocktail，友人的，watermelon，試了點，清新的味道。

餐包，微熱，口感硬硬地，配上牛油味道不俗。

德國咸豬手，$258，咸豬手外皮鬆脆，肉質嫩滑好惹味，食得多都幾漏，有酸菜作伴中和返咸豬手的油膩，大量的薯蓉，味道又滑又香好食呀。

蘑菇砂鍋，$158，蘑菇煙肉香草忌廉汁配德國刀削麵。 

蘑菇煙肉香草忌廉汁，有大量的蘑菇及煙肉，味道濃郁，好味呀。

德國刀削麵，好奇係咩樣，賣相像是十分粗身的意粉，口感軟腍得來戴點煙韌，有好香芝士味，幾好味呀。

雜錦香腸拼盤(小)，$168，有雞尾酒腸、烤小牛肉腸、法蘭克腸、紐倫堡腸、BBQ辣肉腸及酸瓜，種類繁多，每款都幾好味，但好油膩呀。

煙三文魚薄餅(M)，$158，餡料有鮮蝦、胡椒、車厘茄、洋蔥、煙三文魚、千島醬及馬蘇里拉芝士，唔至足料咁簡單，係十分有份量，好吸引呀，薄餅底硬脆，每一啖都好滿足呀。

食物有水準，而且份量多，價格合理，服務態度不俗，環境加分，坐得好舒服氣氛又好，下次有機會再來呀。

旺角花園街76A號3樓