2016年12月17日 星期六

牛屋餐廳酒吧

難得同友人行街食飯,友人想食西餐,大家都想食平點,上網睇去邊間,揀左呢間牛屋餐廳,其實呢間店子,幾年前曾經想去試下,但因為唔就腳之下未有機會去一轉,今次可試下呀。










小小的店子,設計上,有懷舊西餐廳之感,12月時段,餐廳有聖誕的佈置,配合柔和的光,有點點聖誕的氣氛呢。


Set dinner A,黑椒肉眼扒,$85,奉送餐湯,冷熱飲品+$3。




餐包,正想搵牛油時,即發現左原來牛油已係餐包入面,個人覺得幾窩心,但如果對唔食牛油人仕來講就不太好了,牛油份量適中,餐包微熱,味道正常水準。


羅宋湯,辣辣地好足料,味道不俗。


黑椒肉眼扒,都幾大塊,好多黑椒汁,肉眼牛扒唔算好鮮嫩,但肉質有咬口,味道不俗,粗薯條,熱騰騰幾好味。


熱咖啡,普通水準。

可能因為當日少人,環境夠寧靜,坐得幾舒服,食物味道不俗,以呢個價來講算抵食,上菜好快,同澳牛有得fight(唔通佐敦特色),服務態度上,侍應的確冇乜表情,但其實又乜野,態度正常呀。

佐敦吳松街143號地下








沒有留言:

張貼留言