記得在兩年前曾到訪過，那時因三眼仔拉花咖啡而來，今次純粹經過，見冇乜人，又就到晚飯時間，於是，又幫襯了。
裝潢略戴古典味的小店子，依舊充滿壓迫感，雖然那時候冇乜人，但仍然逃不過厄運，坐靠窗的位置，因其他位子都給訂座了， 記得呢個位，係特別熱同迫，加上猛烈的太陽燈光令人不太舒服。
來得呢到，必揀公仔拉花咖啡，見到多了不少公仔拉花，好奇問了一下公仔有冇得揀，原來是指定的咖啡就有指定的公仔，揀了hello kitty (rose latte)及龍貓(mocha)。
hello kitty & 龍貓拉花咖啡，好可愛呀。
rose latte，$45，友人的，試了少許，淡淡的玫瑰香氣，味道不俗。
mocha，$40，好可愛呀，香濃朱古力味，不算太甜，都幾好呀。
芝士醬焗薯皮，$42，看似好硬的賣相，食落都幾煙韌，味道香口，配上濃郁的芝士醬好惹味呀。
蟹肉雜菌蕃茄燴飯，$90，燴飯口感軟腍，好creamy，蕃茄味道濃郁，但不是太酸，蟹肉份量適中，估唔到幾好味呀。
拉花咖啡是王道，食物有水準，不過環境太熱又迫果下扣分呀。
銅鑼灣希雲街22-24號地舖
沒有留言:
張貼留言