潮食

近年出現不少玩味雞蛋仔,熱潮還是持續,不過多數都是偏甜的,今次呢款幾特別,鹹味的,椒鹽蛋雞蛋仔,聽落簡簡單單但又充滿好奇的味道,一於走一轉試下咩料子呀。

不修飾的小店子,去到已經見到有人排隊,蠻受歡迎呢。

椒鹽蛋雞蛋仔,$15,賣相好吸引,看起來每粒都脹卜卜好飽滿咁。

一底雞蛋仔入面加了一個太陽蛋而成。

好大粒的雞蛋仔,口感香脆內軟,椒鹽味濃,雞蛋仔內有蛋黃及蛋白,味道異常的夾,估唔到幾好味呀。

朱古力雞蛋仔,$13,試左鹹味,又想試埋甜味,口感都是外脆內軟,有朱古力味,但唔算好突出,內有少許朱古力餡,尚算不俗呀。

以往因玩味雞蛋仔都中過唔少次伏,一係就好貴,今次完全改觀,新奇得來幾好味,同價格合理,值得一試呀。

上水智昌路順欣花園地下5C號鋪