周記點心

優閒的星期六,約了aeris出來食下午茶,一於去周記食,想試好耐呀,去到時都幾多人等位,不過都好快有位了。

是小店子來的。

牆上掛有中西區的舊照片。

即睇有咩食。

好得意的茶壺。

樽裝原味奶茶,$17,都幾貴,勝在茶香奶夠滑,都不俗呀。

鴛鴦燒賣,$24,都幾大粒,味道正常水準。

鵪鶉蛋燒賣,$18,本身鐘意食,多數去飲茶都賣晒,有懷舊的感覺,味道正常水準。

XO醬炒腸粉,$28,冇期待呢個,但竟然幾好味,味道香口又入味,不俗呀。

兔子餃,$22。

星期六日限定,一於試下,好可愛的兔子賣相,水晶皮煙韌,入面是奶黃餡來的,味道普通。

奶黃流沙西多士,$22,招牌貨,中間是脹卜卜的。

一切開,澎湃的奶黃流沙湧出來,香甜的奶黃流沙餡,配西多士,都幾特別,雖然唔算太好食同幾甜,但有創意,值得試下呀。

本身想食個蝦多士,不過太飽了,下次有機再來食先試呀。

西環西營盤水街東利大厦地下H1號舖