Espuma

優閒的星期日,三人一齊去灣仔行下順便食lunch,Yin想試下呢間的窩夫,幾出名呢,記得之前試過尖沙咀的分店,食物不俗,果次因太飽冇試窩夫,太可惜了,今次終於可以試下呀。

玻璃櫃擺放了不少酒品及咖啡用品系列。

店內面積寛敞,有空間感,裝潢以木淺藍色為主,木枱椅及木地板,給人天然舒適的感覺,牆上的彩繪壁畫,帶點藝術色彩。

即睇有咩食。

天氣凍左要飲暖野。

招牌水果茶,$42,有蘋果、石榴、橙、草莓及蘭香子等,味道清香,果味濃郁。

蜜桃柚子茉莉茶,$38,有清香的柚子味,不太甜呀。

一口炸芝士,$68。

熱辣辣的炸芝士,外層香脆,入面是豐富的芝士,濃郁的芝士味,好味呀。

牛油果班尼迪蛋,$98。

好有特色的班尼迪蛋,面層是水波蛋,中間是用半個牛油果做餡,好特別,下層是多士,牛油果肉口感細膩,配上荷蘭醬及豐富的蛋汁,味道清新又好味呀。

黑松露南瓜燴飯,$108,淡淡的黑松露香,燴飯口感煙韌,好creamy,南瓜味濃郁,甜甜地,不俗呀。

換個碟,食甜品的時候。

奧地利朱古力布朗尼窩夫配雪糕,$118,賣相好吸引呢,好可愛的熊仔脆餅。

要了棒子雪糕,棒子味香,窩夫微熱,外脆內軟,配上布朗尼及oreo,朱古力味濃郁,好滿足呀。

寫意的LUNCH,食物味道不俗,特別是窩夫,果然好味呀,環境舒適,服務態度親切,享受閒情之日心情好左不少呢。

灣仔皇后大道東202號QRE Plaza 25樓