Dijaya

食過晚飯,想搵一個地方吹下水,平時成班去開寶勒巷果頭,但今次得兩位女子,想搵間環境靚點同較靜的地方,經過棉登徑,見到呢間環境蠻特別,而且happy hours做埋買一送一,剛好未夠8點,咁就試下。

裝潢以啡紅色為主調,樓底高,環境寬敞,幽暗的環境,柔和的燈光,感覺relax,窗邊有三個搶眼的榻榻米位置,坐的是軟墊及Cushion,掛有特色吊燈,充滿東南亞風情。

紫色的大梳化,感覺型格時尚,而且坐得好舒服呀,感覺有私人空間。

HAPPY HOURS 有買一送一優惠段時。

食薯片。

Dijaya cocktail & Dijaya Mocktail。

Dijaya cocktail,$98,由調酒師自由發揮design,味道可自選,個人比較喜歡新奇,比晒調酒師話事,紅色的cocktail,賣相靚,自創的關係,店員會講解一下,有紅莓﹑百香果﹑青蘋果﹑vodka and cassis,微酸味道清新,少量酒精,適合女子。

Dijaya Mocktail,都是由調酒師自由發揮design,清新的奇異果味,不俗呀。

飲野吹水的好地方,環境夠大,坐得好舒服,鄰近K11及車站,交通方便,happy hours時後抵玩。

尖沙咀棉登徑3-4號地下