八幡屋

約左Yan去旺角食飯,因為好想食日本野,但又想平平地嘆刺身,一於去食放題滿足下,上網見到有間新開的日式放題八幡屋,評價都幾高,決定試下呢間,book左星期四8:00,每位$198,任食2小時。

裝潢以木色同黑色為主,牆上掛有日本畫作,水吧位擺放了很多日本酒及日式的飾物,甚有日本風格,柔和的燈光,給人放鬆的感覺。8:00之後好多人等位,幸好有訂位咋。

有兩個獨立的位置,好似VIP房咁,適合大夥兒使用,有私人空間的感覺。

食物上有刺身、壽司、卷物、炸物、燒物、日本料理、佐酒小食及飲品等,每款都幾多選擇。

只要加$40,可以有升級體驗,見到有生蠔任叫,當然加了。

要了熱清酒,邊把酒邊嘆刺身,好享受呢~除此之外,還有凍清酒、啤酒及汽水選擇。

升級體驗的赤蝦、帶子及生蠔,好大粒生蠔呀,而且好新鮮,必追加呀。

赤蝦,好大隻,味道鮮甜。

炭燒紐西蘭羊架,味惹味可口,好正係冇羶味。

汁燒豚小排,味道好似金沙骨,口質鬆軟入味。

燒味淋河豚干,送酒佳品,味道甜甜地,口感有點似牛肉乾。

刺身,有三文魚、吞拿魚、鮑片及甜蝦,新鮮美味。

卷物,有好多款呢,海膽軍艦.海膽鮮味幼滑,味道不俗。鰻魚八幡卷,味道微辣,幾有特式。吉列芝士蝦卷,正常水準。

壽司,都是小小的一件,十分好,唔洗怕太飽肚可以試多款,蜜糖醬魷魚壽司爽口,黑松露油甘魚壽司味道不俗。

花之戀,味道不俗。

天婦羅,蕃薯及炸蝦都好好味呀。

吉列炸蠔,芝士年糕,芝士年糕口感煙韌,多芝士餡,好味呀。

黃金焗蠔,好多芝士味道香口。

芝士大蝦金龍船,個名好特別而試下,原來是芝士同沙律醬焗大蝦,味道酸酸甜甜,幾好味。

日式少蜆,辣辣的味道。

汁燒帆貝,味道普通。

鹽燒牛舌,爽口不韌。

甜品系列,焦糖菠蘿,面層有薄薄的焦糖,微甜的燒菠蘿,香甜好味。泡芙口感鬆脆,少少忌廉餡,味道不俗。

炸朱古力香蕉,微熱的香蕉,溶溶地好好味呀。

荔枝及綠茶雪米糍,個人比較喜歡荔枝。

以往都覺得旺角的放題品質一般同食物選擇唔多,但今次改觀左了,食物有水準,而且款色多,仲要難得有生蠔食,刺身新鮮好味,物有所值,服務態度不俗,下次可以再翻兜呀。

旺角西洋菜南街1N兆萬中心9樓