泰園

 星期五同FD去食飯,唔知食咩好,行過見到個Banner,泰國野都幾吸引,一於上去試下。

環境好大,樓底好高,本身好多人,我影的時候已經係差唔多走時。

有個大銀幕播放電視。

冬陰功湯,好足料的海鮮,味道好香濃,酸酸辣辣的,好味呀。

泰式生蝦,$108,好爽口清甜,必食呀。

泰式青咖喱炒河,$98,份量好少,青咖喱不太辣,少少甜辣的味道,椰香味濃,不俗呀。

雞油香波波飯,$36,雖然好簡單,但係又覺得賣相幾吸引,但雞油唔太夠,爭點呀。

三色冰,$38,食咁多辣野,一定要飲野了。

整體味道不俗呀。

尖沙咀金馬倫道23-25A金馬倫廣場2樓A號舖