School Food

3人一齊去睇戲後,順便食埋晚飯,見呢間排晒長龍咁,原來係食韓國料理,睇餐牌食物都幾吸引。

因為有落場時間,6:30先開門,但已經有好多人拎籌,我地都拎定籌之後去左隔離間pacificcoffee

邊嘆啡邊等。

5:00到拎籌,6:15到去返門口睇,已經好多人等梗,同仲未到我地,好在去左嘆啡,6:35到入得去了,環境是西餐廳的設計,播放著韓國歌曲。

即睇有咩食。

必食的烏卒卒。

既然來到就食下韓國特色泡菜炒飯及年糕。

食韓國辣野,一定要叫返D解辣飲品先得,連飲品都好吸引,一壺的,可供3-4人share。

棉花糖草莓艾菲,$98,感覺冰涼清新。

烏卒卒,$68,果然如其名烏卒卒呀,黑魚汁的紫菜卷,味道甜甜地,餡是墨魚同泡菜,好爽口,幾好味呀。

太陽蛋泡菜鐵鍋炒飯,$84,好多炸紫菜伴食,味道辣辣地,都不俗。

特濃辣湯年糕,$68,叫呢個時,待應講明左係好辣,餐牌也註明了是3個辣,有點不安但照試,泡菜同年糕一齊食,入口時唔辣,之後越食越辣,好辣呀,雖然好辣但味道不俗。

烏卒卒都幾好味又有特色,必食,整體食物味道有水準,價值合理。

九龍塘達之路80號又一城L1層33號舖