燕雲莊

聽聞燕雲莊會搬,於是大家約埋一齊出來食飯懷念下,好耐冇試過咁齊人呀。

凍豆漿,味道普通。

上海排骨菜飯,$33,呢到的菜飯真必食,好多菜,有清香的味道,排骨香口惹味,好味呀。

上海雞翼菜飯,$32,雞翼都幾惹味。

冷拌雞絲粉皮,$45,本身鐘意食,花生醬香口,粉皮清脆。

雲腿津白炒鮮荀,$70,雲腿的鹹香配上清甜的津白,味道不俗,不過份量偏少。

酸辣湯,$30,酸酸辣辣幾開胃呀。

小籠包,$55,都係必食之一,不過今次遜色左點,食落冇乜湯同個皮硬左點呀。

砂鍋餛飩雞,$128,雲吞份量不少,雞不夠滑,湯味道不夠濃,味道一般。

同那些年的朋友去那些年的燕雲莊,係佢地中學時常到的飯堂,應該充滿不少回憶了,而我係認識左佢地之後先去過幾次,講起來大家都識左好耐了,能夠KEEP到咁FD,每年間中聚下,真係要好好珍惜呀。

粉嶺新運路33號粉嶺中心147號地下