名門讌客

難得一家人飲茶,去了大埔的名門,據聞好多精美點心,星期日果然好多人呀,但我地堅持等,半小時入座。

奶黃小刺蝟,咁可愛既賣相,好難唔叫,口感似炸饅頭,入面是奶黃餡太少,整體味道普通。

金牌點心大拼盤,$68好似好抵咁,有名門蝦餃皇、蟹籽燒賣、潮州粉果、奶皇千層糕、豆苗餃及羅漢上素餃,但個拼盤太多餃子類的點心,有點滯的感覺,中間的奶皇千層糕味道不俗。

鵪鶉蛋燒賣,令人懷念的點心,細個時成日食,好少酒樓有呀。

燒鴨瀨粉,斬大碗燒鴨太肥呀。

半隻乳鴿瀨粉,見有半隻乳鴿即試,好大碗瀨粉,可以share食,乳鴿唔算好細隻,不過膿左少少呀。

除左以上,仲食左好多點心,整體味道都OK,不過貴左少少。

大埔安慈路4號昌運中心商場一樓