Olive Cafe~

星期六短週,可以約早d食lunch了,今次去係荃灣都幾出名的Olive Cafe,上次去太多人唔想等,於是今次決定早d去,去到仍然好多人,不過就唔洗等,分左兩個舖位,我地去左較靜果個位置。

Beatles~!

lunch平均$58-$85,雖然偏貴左少少,不過如果好食,就真係值返晒,+$15可配沙律 或 湯及包、奉送咖啡或茶及是日甜品。

忌廉湯,只係幾杰,冇咩得別。

厚多士及麥包,搽上牛油幾好食。不過喱兩件包...係飯後食..因為個侍應唔記得比呀..事後先比我地。

香脆果仁焗龍利柳,佈滿果仁粒同蒜粒,味道好濃烈、香口,蒜味、香料、仲有芝麻醬味道,果仁脆粒配上龍利柳,口感有點層次,的確幾好食,但因為味道真係太濃,食到最後都幾漏同口渴。

香煎紐西蘭70z肉眼扒配黑椒汁,yan叫的,試左少少,肉質夠鬆化,唔錯呀。

甜品,係泡芙,小小的兩件,味道唔錯,凍凍地又唔係好甜,有飯甜品食,感覺好滿足呀。

凍咖啡,普通呀。

果然係幾好食,唔怪得出名,價錢偏貴少少都值返,環境都ok,坐得幾舒服,不過係服務態度差d,唔係禮貌唔好,只係好似成日發白日夢咁咩都唔記得...比漏喱樣又比錯果樣...叫幾次先識得應...真係要改善下呀。

荃灣眾安街68號荃灣城市中心1期地下41-44號舖