蓮香樓兩個裝月餅+奇華月餅雙黃白蓮蓉~

蓮香樓月餅,講左好幾年而加先試到,前幾年主攻冰皮月餅而無視左傳統月餅,今年相反,想試下老字號餅家既月餅究竟好唔好食喱?!因為未聽過話蓮香樓月餅好食,buy兩個裝試下呀。 

小小的一個紫色的六角形盒,一個有兩個,一個雙黃蓮蓉月餅,一個金華火腿月餅。

雙黃蓮蓉月餅。

個賣相都可以既。

食落就唔係好得了,個皮有點苦,蓮蓉唔夠光澤,口感有點硬冇乜味道,蛋黃唔夠油水呀。

金華火腿月餅。

唔係好識欣賞喱款月餅,不過屋企人想試就揀左,個餡大至上係五仁、火腿粒等,食落...覺得係咸既月餅,比較油膩呀。

個價目。

只係老字號唔係特別好食,之後去過蓮香樓食蓮蓉包幾好味,以為月餅都會唔錯,點知又唔係...試過就算呀...不過唔知其他款係味咁了。

屋企buy既,$59.6,一個都要咁貴,不過出名好食既,因為驚buy一盒太多同太貴,只係買左一個,果然好食得多呀,名副其實皮薄饀靚,白蓮蓉晶瑩剔透,蛋黃咸徇夠油水,好食呀。